dushman pe rakh ke dete ho gali itab mein

dushman pe rakh ke dete ho gaalī itaab meñ

hai har suḳhan zabāñ pe tumhārī hijāb meñ

bahr-e-jahāñ meñ ziist na ho kyoñ habāb-vār

nuqtoñ hī kā hai farq hayāt-o-habāb meñ

āñkheñ ye āshiqoñ kī haiñ tujh par lagī huiiñ

chhāpe nahīñ haiñ ye gul-e-nargis naqāb meñ

ham ābḳhūra-e-ḳhum-e-mai kī tarah asas

Duube raheñ mudām gale tak sharāb meñ

bād-e-fanā bhī shāhsavār-e-samand-e-nāz

hāzir haiñ misl-e-reg-e-ravāñ ham rikāb meñ

dozaḳh-nasīb mardum-e-ābī ko ho abhī

Tapke jo ashk-e-garm koī apnā aab meñ

har-dam ravā-ravī meñ hai ye tausan-e-habāb

har-vaqt apnā paañv hai goyā rikāb meñ

dariyā kā naam shor se mansūb ho gayā

dhoyā jo tum ne lāl-e-namak sā ko aab meñ

'sābir' faqat suḳhan meñ hai ab lutf-e-āshiqī

har baat kā maza thā shurūa-e-shabāb meñ

dushman pe rakh ke dete ho gali itab mein

hai har suKHan zaban pe tumhaari hijab mein

bahr-e-jahan mein zist na ho kyon habab-war

nuqton hi ka hai farq hayat-o-habab mein

aankhen ye aashiqon ki hain tujh par lagi huin

chhape nahin hain ye gul-e-nargis naqab mein

hum aabKHura-e-KHum-e-mai ki tarah asas

Dube rahen mudam gale tak sharab mein

baad-e-fana bhi shahsawar-e-samand-e-naz

hazir hain misl-e-reg-e-rawan hum rikab mein

dozaKH-nasib mardum-e-abi ko ho abhi

Tapke jo ashk-e-garm koi apna aab mein

har-dam rawa-rawi mein hai ye tausan-e-habab

har-waqt apna panw hai goya rikab mein

dariya ka nam shor se mansub ho gaya

dhoya jo tum ne lal-e-namak sa ko aab mein

'sabir' faqat suKHan mein hai ab lutf-e-ashiqi

har baat ka maza tha shurua-e-shabab mein