dusre nam se jiya jae
dūsre naam se jiyā jaa.e
zahr shohrat hai kyoñ piyā jaa.e
haar maane pe vaar kyā karnā
'aql ko rāsta diyā jaa.e
ye bhī mumkin hai mar miTeñ tum par
ye bhī mumkin hai jī liyā jaa.e
aur kuchh zehn se nikaltā nahīñ
yā'nī ḳhud ko bhulā diyā jaa.e
aaj yaum-e-shahādat-e-haq hai
aaj chup-chāp rah liyā jaa.e
jism ke jāgne kā vaqt hai ye
ab mujhe lauTne diyā jaa.e
ḳhush-gumānī ke jal chuke bāġhāt
ab to qibla badal liyā jaa.e
dusre nam se jiya jae
zahr shohrat hai kyon piya jae
haar mane pe war kya karna
'aql ko rasta diya jae
ye bhi mumkin hai mar miTen tum par
ye bhi mumkin hai ji liya jae
aur kuchh zehn se nikalta nahin
ya'ni KHud ko bhula diya jae
aaj yaum-e-shahadat-e-haq hai
aaj chup-chap rah liya jae
jism ke jagne ka waqt hai ye
ab mujhe lauTne diya jae
KHush-gumani ke jal chuke baghat
ab to qibla badal liya jae
- Book : Aakhiri Ishq Sabse Pahle Kiya (Pg. 67)
- Author :Nomaan Shauque
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
