ek din ye kasa-e-harf-e-dua bhar jaega

ek din ye kāsa-e-harf-e-du'ā bhar jā.egā

yā achānak hī du'ā se dil mirā bhar jā.egā

vo isī raste se aa.egā 'ayādat ko mirī

aur phūloñ se ye saarā rāsta bhar jā.egā

ḳhālī ho jā.eñge saare shahr ik do aan meñ

aur āvāzoñ se dasht-e-be-sadā bhar jā.egā

ism se yā jism se ab ḳhvāb se yā ḳhaak se

ek din koī bhī ye ḳhālī jagah bhar jā.egā

dekhte rahte ho 'ġhā.er' zaḳhm ko kyoñ baar baar

dekhte rahne se pyāre zaḳhm kyā bhar jā.egā

ek din ye kasa-e-harf-e-du'a bhar jaega

ya achanak hi du'a se dil mera bhar jaega

wo isi raste se aaega 'ayaadat ko meri

aur phulon se ye sara rasta bhar jaega

KHali ho jaenge sare shahr ek do aan mein

aur aawazon se dasht-e-be-sada bhar jaega

ism se ya jism se ab KHwab se ya KHak se

ek din koi bhi ye KHali jagah bhar jaega

dekhte rahte ho 'ghaer' zaKHm ko kyon bar bar

dekhte rahne se pyare zaKHm kya bhar jaega