ek guhar aansu ka na chhoDa dil ki jot jagane ko

ek guhar aañsū kā na chhoḌā dil kī jot jagāne ko

yaad kisī kī ḳhālī kar ga.ī rātoñ raat ḳhazāne ko

uḌ jaatī hai giit sunā kar jab mujh ko koī chiḌiyā

maiñ bhī saath chalā jaatā huuñ duur talak pahuñchāne ko

apnī jagah har lafz 'alāmat-e-she’r ke tār-o-pūd meñ hai

alag alag kar ke mat dekho ik ik taane baane ko

patte patte buuTe buuTe par likkhā hai naam us kā

maiñ bhī chau-raste par khaḌā huuñ apnā pata batāne ko

maiñ to rone hañsne vaalā ek tamāshā.ī huuñ bas

mujh se aur ta'alluq kyā hai 'zeb' mire afsāne ko

ek guhar aansu ka na chhoDa dil ki jot jagane ko

yaad kisi ki KHali kar gai raaton raat KHazane ko

uD jati hai git suna kar jab mujh ko koi chiDiya

main bhi sath chala jata hun dur talak pahunchane ko

apni jagah har lafz 'alamat-e-she’r ke tar-o-pud mein hai

alag alag kar ke mat dekho ek ek tane bane ko

patte patte buTe buTe par likkha hai nam us ka

main bhi chau-raste par khaDa hun apna pata batane ko

main to rone hansne wala ek tamashai hun bas

mujh se aur ta'alluq kya hai 'zeb' mere afsane ko