ek hi waqt mein bimar bhi hain Thik bhi hain

ek hī vaqt meñ bīmār bhī haiñ Thiik bhī haiñ

ye jo ham duur bhī haiñ aap ke nazdīk bhī haiñ

husn chehre se chhalaktā hai siyāhī dil se

haa.e ye log jo raushan bhī haiñ tārīk bhī haiñ

pankhuḌī dekhte hī 'mīr' ko detā huuñ daad

hoñT rangīñ bhī haiñ nāzuk bhī haiñ bārīk bhī haiñ

shāne se shāna milā.ūñ ki bachā.ūñ pahlū

dost e.azāz bhī haiñ bā.is-e-taz.hīk bhī haiñ

in fazāoñ meñ sabhī rang hamīñ se haiñ ki ham

ahl-e-īmān bhī haiñ sāhib-e-tashkīk bhī haiñ

kuchh samajh meñ nahīñ aatā ki mire shahr ke log

vajh-e-taz.hīk bhī haiñ lā.eq-e-tabrīk bhī haiñ

ek hi waqt mein bimar bhi hain Thik bhi hain

ye jo hum dur bhi hain aap ke nazdik bhi hain

husn chehre se chhalakta hai siyahi dil se

hae ye log jo raushan bhi hain tarik bhi hain

pankhuDi dekhte hi 'mir' ko deta hun dad

honT rangin bhi hain nazuk bhi hain barik bhi hain

shane se shana milaun ki bachaun pahlu

dost eazaz bhi hain bais-e-tazhik bhi hain

in fazaon mein sabhi rang hamin se hain ki hum

ahl-e-iman bhi hain sahib-e-tashkik bhi hain

kuchh samajh mein nahin aata ki mere shahr ke log

wajh-e-tazhik bhi hain laeq-e-tabrik bhi hain