ek kohram sa har waqt uThae rakkhen

ek kohrām sā har vaqt uThā.e rakkheñ

aap māhaul bahar-hāl banā.e rakkheñ

ek saa.e kī tarah saath lagā rahtā hai

ham use yaad kareñ yā ki bhulā.e rakkheñ

aql-mandī kā taqāzā to nahīñ hai phir bhī

ham ne sochā hai tire saath nibhā.e rakkheñ

kaun suntā hai yahāñ kis kī sadā.eñ yuuñ to

phir bhī lāzim hai ki ham shor machā.e rakkheñ

in añdheroñ pe koī farq nahīñ paḌne kā

ab charāġhoñ ko bujhā deñ ki jalā.e rakkheñ

kitnā mushkil hai kareñ talḳh-bayānī us par

apne hoñThoñ pe tabassum bhī sajā.e rakkheñ

sarf honā hai bahar-hāl fanā honā hai

ḳharch karte raheñ ḳhud ko ki bachā.e rakkheñ

ek kohram sa har waqt uThae rakkhen

aap mahaul bahar-haal banae rakkhen

ek sae ki tarah sath laga rahta hai

hum use yaad karen ya ki bhulae rakkhen

aql-mandi ka taqaza to nahin hai phir bhi

hum ne socha hai tere sath nibhae rakkhen

kaun sunta hai yahan kis ki sadaen yun to

phir bhi lazim hai ki hum shor machae rakkhen

in andheron pe koi farq nahin paDne ka

ab charaghon ko bujha den ki jalae rakkhen

kitna mushkil hai karen talKH-bayani us par

apne honThon pe tabassum bhi sajae rakkhen

sarf hona hai bahar-haal fana hona hai

KHarch karte rahen KHud ko ki bachae rakkhen