ek muddat se to Thahre hue pani mein hun main

Imran Badayuni

ek muddat se to Thahre hue pani mein hun main

Imran Badayuni

MORE BYImran Badayuni

    ek muddat se to Thahre hue paanī meñ huuñ maiñ

    aur had ye hai ki kahnā hai ravānī meñ huuñ maiñ

    zindagī jakḌe hue thī mire andar mujh ko

    maut ke ba.ad lagā jaise ravānī meñ huuñ maiñ

    mere hone pe jahāñ mujh ko shak hotā thā

    aaj us shahr nāyāb nishānī meñ huuñ maiñ

    merā kirdār to bilkul bhī nahīñ mujh jaisā

    koī batlā.e mujhe kis kahānī meñ huuñ maiñ

    kitnī tarah se kāġhaz pe likhūñ ḳhud ko magar

    mujh ko ma.alūm hai bas ek ma.ānī meñ huuñ maiñ

    ḳhud ko ta.amīr karūñ aur bikhar bhī jā.ūñ

    apnī nākām tamannāoñ ke saanī meñ huuñ maiñ

    qabr vīrān mire jism se baḌh kar to nahīñ

    kis liye ḳhauf-zada naql-e-makānī meñ huuñ maiñ

    hādse dard ghuTan saare vahī haiñ keval

    ab ke kirdār kisī aur kahānī meñ huuñ maiñ

    mere jazbāt to būḌhoñ tarah lagte haiñ

    sirf chehra ye batātā hai javānī meñ huuñ maiñ

    ek muddat se to Thahre hue pani mein hun main

    aur had ye hai ki kahna hai rawani mein hun main

    zindagi jakDe hue thi mere andar mujh ko

    maut ke baad laga jaise rawani mein hun main

    mere hone pe jahan mujh ko hi shak hota tha

    aaj us shahr ki nayab nishani mein hun main

    mera kirdar to bilkul bhi nahin mujh jaisa

    koi batlae mujhe kis ki kahani mein hun main

    kitni hi tarah se kaghaz pe likhun KHud ko magar

    mujh ko malum hai bas ek maani mein hun main

    KHud ko tamir karun aur bikhar bhi jaun

    apni nakaam tamannaon ke sani mein hun main

    qabr viran mere jism se baDh kar to nahin

    kis liye KHauf-zada naql-e-makani mein hun main

    hadse dard ghuTan sare wahi hain kewal

    ab ke kirdar kisi aur kahani mein hun main

    mere jazbaat to buDhon ki tarah lagte hain

    sirf chehra ye batata hai jawani mein hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY