ek nae sanche mein Dhal jata hun main

Bharat Bhushan Pant

ek nae sanche mein Dhal jata hun main

Bharat Bhushan Pant

MORE BYBharat Bhushan Pant

    ek na.e sāñche meñ Dhal jaatā huuñ maiñ

    qatra qatra roz pighal jaatā huuñ maiñ

    jab se vo ik sūraj mujh meñ Duubā hai

    ḳhud ko bhī chhū luuñ to jal jaatā huuñ maiñ

    ā.īna bhī hairānī meñ Duubā hai

    itnā kaise roz badal jaatā huuñ maiñ

    mīThī mīThī bātoñ meñ ma.alūm nahīñ

    jaane kitnā zahr ugal jaatā huuñ maiñ

    ab Thokar khāne mujh ko ḳhauf nahīñ

    girtā huuñ to aur sambhal jaatā huuñ maiñ

    akasr ab apnā pīchhā karte karte

    ḳhud se kitnī duur nikal jaatā huuñ maiñ

    ek nae sanche mein Dhal jata hun main

    qatra qatra roz pighal jata hun main

    jab se wo ek suraj mujh mein Duba hai

    KHud ko bhi chhu lun to jal jata hun main

    aaina bhi hairani mein Duba hai

    itna kaise roz badal jata hun main

    miThi miThi baaton mein malum nahin

    jaane kitna zahr ugal jata hun main

    ab Thokar khane ka mujh ko KHauf nahin

    girta hun to aur sambhal jata hun main

    akasr ab apna pichha karte karte

    KHud se kitni dur nikal jata hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY