ek tu jo safar par se palaT kar nahin aaya

ek tū jo safar par se palaT kar nahīñ aayā

phir maiñ bhī kabhī shaam Dhale ghar nahīñ aayā

muddat huī ik shaḳhs ko rūThe hue mujh se

muddat huī is chhat pe kabūtar nahīñ aayā

masjid ko sabhī jaate haiñ ehsān jatā kar

maiḳhāne meñ koī bhī batā kar nahīñ aayā

koshish to bahut kī ki tirā naam na aa.e

mazmūn tire zikr se bāhar nahīñ aayā

ehsān haiñ ahbāb ke ham par ye vagarna

dushman kī taraf se koī patthar nahīñ aayā

haq vāloñ kā sheva hai ki aa jaate haiñ varna

maqtal meñ koī ḳhud se to chal kar nahīñ aayā

vaise to sabhī aap kī nazroñ se mare haiñ

ilzām kabhī aap ke sar par nahīñ aayā

ek tu jo safar par se palaT kar nahin aaya

phir main bhi kabhi sham Dhale ghar nahin aaya

muddat hui ek shaKHs ko ruThe hue mujh se

muddat hui is chhat pe kabutar nahin aaya

masjid ko sabhi jate hain ehsan jata kar

maiKHane mein koi bhi bata kar nahin aaya

koshish to bahut ki ki tera nam na aae

mazmun tere zikr se bahar nahin aaya

ehsan hain ahbab ke hum par ye wagarna

dushman ki taraf se koi patthar nahin aaya

haq walon ka shewa hai ki aa jate hain warna

maqtal mein koi KHud se to chal kar nahin aaya

waise to sabhi aap ki nazron se mare hain

ilzam kabhi aap ke sar par nahin aaya