ek wada tha so kuchh pal ko Thahar aaya tha

ek vā'da thā so kuchh pal ko Thahar aayā thā

varna kūche se maiñ ḳhāmosh guzar aayā thā

maiñ ne jis dukh ko zamāne se chhupā rakkhā thā

jaane kab vo mire lahje meñ utar aayā thā

ġham se labrez thā maiñ aur na thī ek shikan

mujh meñ barsoñ meñ kahīñ aisā hunar aayā thā

tum ne dekhā hī nahīñ us kī bujhī āñkhoñ meñ

baat karte hue ik dard utar aayā thā

raat phir ḳhvāb kī tā'bīr samajhte guzrī

vo jo ik ḳhvāb mujhe pichhle pahar aayā thā

jiine lagte the sabhī dekh ke jis chehre ko

aur maiñ thā ki usī chehre pe mar aayā thā

ek wa'da tha so kuchh pal ko Thahar aaya tha

warna kuche se main KHamosh guzar aaya tha

main ne jis dukh ko zamane se chhupa rakkha tha

jaane kab wo mere lahje mein utar aaya tha

gham se labrez tha main aur na thi ek shikan

mujh mein barson mein kahin aisa hunar aaya tha

tum ne dekha hi nahin us ki bujhi aankhon mein

baat karte hue ek dard utar aaya tha

raat phir KHwab ki ta'bir samajhte guzri

wo jo ek KHwab mujhe pichhle pahar aaya tha

jine lagte the sabhi dekh ke jis chehre ko

aur main tha ki usi chehre pe mar aaya tha