ایک وعدہ تھا سو کچھ پل کو ٹھہر آیا تھا

ایک وعدہ تھا سو کچھ پل کو ٹھہر آیا تھا

ورنہ کوچہ سے میں خاموش گزر آیا تھا

میں نے جس دکھ کو زمانے سے چھپا رکھا تھا

جانے کب وہ مرے لہجے میں اتر آیا تھا

غم سے لبریز تھا میں اور نہ تھی ایک شکن

مجھ میں برسوں میں کہیں ایسا ہنر آیا تھا

تم نے دیکھا ہی نہیں اس کی بجھی آنکھوں میں

بات کرتے ہوئے اک درد اتر آیا تھا

رات پھر خواب کی تعبیر سمجھتے گزری

وہ جو اک خواب مجھے پچھلے پہر آیا تھا

جینے لگتے تھے سبھی دیکھ کے جس چہرے کو

اور میں تھا کہ اسی چہرے پے مر آیا تھا