faeda hum ko miTane se bhala kya nikla

Saghar Mehdi

faeda hum ko miTane se bhala kya nikla

Saghar Mehdi

MORE BYSaghar Mehdi

    fā.eda ham ko miTāne se bhalā kyā niklā

    sar se saudā na gayā dil se na jazba niklā

    be-maza aise hue talḳhī-e-hālāt se ham

    shahd zā.iqa chakkhā to vo kaḌvā niklā

    dost jitne the vo sab ho ga.e aapas meñ harīf

    kaisī mahfil thī jo niklā vo akelā niklā

    dil ke har TukḌe meñ mahfūz rahā aks tirā

    aa.ina TuuT ke bhī ā.ina-ḳhāna niklā

    sar-e-rāhe na sahī haañ sar-e-maqtal sahī

    ġham se milne chalo kuchh to bahāna niklā

    qahqahoñ jo samundar thā har ik mahfil meñ

    ghar meñ vo shaḳhs udāsī jazīra niklā

    chashm-e-ahbāb bhī nīchī hai to maiñ bhī nādim

    jis kueñ meñ mujhe pheñkā thā vo andhā niklā

    hāl-e-dil ḳhud kahā ḳhud sunā hai 'sāġhar'

    har muḳhātab mirī taqdīr se bahrā niklā

    faeda hum ko miTane se bhala kya nikla

    sar se sauda na gaya dil se na jazba nikla

    be-maza aise hue talKHi-e-haalat se hum

    shahd ka zaiqa chakkha to wo kaDwa nikla

    dost jitne the wo sab ho gae aapas mein harif

    kaisi mahfil thi jo nikla wo akela nikla

    dil ke har TukDe mein mahfuz raha aks tera

    aaina TuT ke bhi aaina-KHana nikla

    sar-e-rahe na sahi han sar-e-maqtal hi sahi

    gham se milne ka chalo kuchh to bahana nikla

    qahqahon ka jo samundar tha har ek mahfil mein

    ghar mein wo shaKHs udasi ka jazira nikla

    chashm-e-ahbab bhi nichi hai to main bhi nadim

    jis kuen mein mujhe phenka tha wo andha nikla

    haal-e-dil KHud hi kaha KHud hi suna hai 'saghar'

    har muKHatab meri taqdir se bahra nikla

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY