faeda kuchh nahin ishaaron se

fā.eda kuchh nahīñ ishāroñ se

ham bahut duur haiñ kināroñ se

dil munavvar huā sharāroñ se

ham ko nisbat hai chāñd-tāroñ se

ḳhuub mahke ḳhizāñ ke mausam meñ

zaḳhm khaa.e the jo bahāroñ se

gulsitāñ aap ko mubārak ho

apnī azmat se reg-zāroñ se

phuul barse haiñ ba.ad marg un par

shaġhl karte rahe jo ḳhāroñ se

yaad phir rañg meñ nazar aa.ī

zindagī bhar ga.ī nazāroñ se

intizārī to jaan le letī

sabr miltā rahā sitāroñ se

koī āvāz jab nahīñ hotī

saaz bujhte haiñ dil ke tāroñ se

dil kī gahrā.iyāñ kahāñ tak haiñ

'shauq' pūchho ye ġham ke māroñ se

faeda kuchh nahin ishaaron se

hum bahut dur hain kinaron se

dil munawwar hua shararon se

hum ko nisbat hai chand-taron se

KHub mahke KHizan ke mausam mein

zaKHm khae the jo bahaaron se

gulsitan aap ko mubarak ho

apni azmat se reg-zaron se

phul barse hain baad marg un par

shaghl karte rahe jo KHaron se

yaad phir rang mein nazar aai

zindagi bhar gai nazaron se

intizari to jaan le leti

sabr milta raha sitaron se

koi aawaz jab nahin hoti

saz bujhte hain dil ke taron se

dil ki gahraiyan kahan tak hain

'shauq' puchho ye gham ke maron se