faeda ye to hua nam tumhaara le kar

fā.eda ye to huā naam tumhārā le kar

chal paḌī saañs mirī jism kā bhārā le kar

vaqt-be-vaqt baḌī duur chalā jaatā huuñ

chand TuuTe hue ḳhvāboñ kā sahārā le kar

zindagī sach meñ tū jaadū hai to itnā kar de

lauT ke aa mire bachpan ko dubāra le kar

bārhā shukriya kahtā huuñ maiñ us ko jis ne

mujh ko nākām kiyā merā sahārā le kar

terī ḳhvāhish hai agar ye to hichaktā kyoñ hai

ai mire dost tū jā saarā kā saarā le kar

kahīñ aise bhī koī jashn manātā hai miyāñ

aa ga.e saath nayā hijr kā maarā le kar

laash kā TukḌā thā dāman meñ are maañ thī vo

jā-ba-jā phirtī rahī apnā dulārā le kar

ab mire dil meñ bahut dard bharā rahtā hai

tum chale aao mohabbat ko ḳhudārā le kar

faeda ye to hua nam tumhaara le kar

chal paDi sans meri jism ka bhaara le kar

waqt-be-waqt baDi dur chala jata hun

chand TuTe hue KHwabon ka sahaara le kar

zindagi sach mein tu jadu hai to itna kar de

lauT ke aa mere bachpan ko dubara le kar

barha shukriya kahta hun main us ko jis ne

mujh ko nakaam kiya mera sahaara le kar

teri KHwahish hai agar ye to hichakta kyon hai

ai mere dost tu ja sara ka sara le kar

kahin aise bhi koi jashn manata hai miyan

aa gae sath naya hijr ka mara le kar

lash ka TukDa tha daman mein are man thi wo

ja-ba-ja phirti rahi apna dulara le kar

ab mere dil mein bahut dard bhara rahta hai

tum chale aao mohabbat ko KHudara le kar