فائدہ یہ تو ہوا نام تمہارا لے کر

فائدہ یہ تو ہوا نام تمہارا لے کر

چل پڑی سانس مری جسم کا بھارا لے کر

وقت بے وقت بڑی دور چلا جاتا ہوں

چند ٹوٹے ہوئے خوابوں کا سہارا لے کر

زندگی سچ میں تو جادو ہے تو اتنا کر دے

لوٹ کے آ مرے بچپن کو دوبارہ لے کر

بارہا شکریہ کہتا ہوں میں اس کو جس نے

مجھ کو ناکام کیا میرا سہارا لے کر

تیری خواہش ہے اگر یہ تو ہچکتا کیوں ہے

اے مرے دوست تو جا سارا کا سارا لے کر

کہیں ایسے بھی کوئی جشن مناتا ہے میاں

آ گئے ساتھ نیا ہجر کا مارا لے کر

لاش کا ٹکڑا تھا دامن میں ارے ماں تھی وہ

جا بہ جا پھرتی رہی اپنا دلارا لے کر

اب مرے دل میں بہت درد بھرا رہتا ہے

تم چلے آؤ محبت کو خدارا لے کر