fan ye hoshiyari ka kab mujhe sikhaega

fan ye hoshiyārī kā kab mujhe sikhā.egā

dhoka khā rahā huuñ maiñ denā kab se aa.egā

achchhe log nikleñge jab shikār karne ko

kaun in parindoñ ko daana phir khilā.egā

ab ye us kī marzī hai chāhe jo banā de vo

dekhnā hai miTTī ko ab vo kyā banā.egā

mujh ko sab girāne meñ nīche gir ga.e itnā

ḳhāksār ko koī kitnā ab girā.egā

ik faqīr rotā thā is liye ki mere baa'd

kaun jaane vāloñ ko rāsta dikhā.egā

chaar din raheñge bas āñkhoñ meñ tirī aañsū

koī jaane kā mātam kab talak manā.egā

fan ye hoshiyari ka kab mujhe sikhaega

dhoka kha raha hun main dena kab se aaega

achchhe log niklenge jab shikar karne ko

kaun in parindon ko dana phir khilaega

ab ye us ki marzi hai chahe jo bana de wo

dekhna hai miTTi ko ab wo kya banaega

mujh ko sab girane mein niche gir gae itna

KHaksar ko koi kitna ab giraega

ek faqir rota tha is liye ki mere ba'd

kaun jaane walon ko rasta dikhaega

chaar din rahenge bas aankhon mein teri aansu

koi jaane ka matam kab talak manaega