فقط تکمیل مقصد کر رہا ہوں
فقط تکمیل مقصد کر رہا ہوں
میں اپنے آپ کو رد کر رہا ہوں
پرخچے کر کے آپ اپنی انا کے
میں خود کو کار آمد کر رہا ہوں
بھلا کر درد کی گدی نشینی
ترے پہلو کو مسند کر رہا ہوں
مری منشا کو خاطر میں نہ لاؤ
میں کب سے تو رد و کد کر رہا ہوں
تجھے یکسر بھلا ڈالا ہے یعنی
تجھے میں یاد بے حد کر رہا ہوں
برا جو کہہ رہا ہوں خود کو راشدؔ
میں اپنی ہی خوشامد کر رہا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
