فریبی شیریں زیادہ ذہین لوگوں سے

فریبی شیریں زیادہ ذہین لوگوں سے

گریز کرتا ہوں میں ایسے تین لوگوں سے

فقیر اولیا شاعر متین لوگوں سے

ملا جلا کرو ان بہترین لوگوں سے

یہ کتنی لاشیں سہیجے کہاں کہاں رکھے

کہ تنگ آ گئی ہے اب زمین لوگوں سے

یقین کر وہ ترے پاس لوٹ آئے گا

جب اس کا اٹھنے لگے گا یقین لوگوں سے

تم اس کے حسن پر جب جب بھی تبصرہ کرنا

تو پہلے مشورہ لینا حسین لوگوں سے

یہ مانگنے پہ کہاں کچھ کسی کو دیتے ہیں

جو تیرا حق ہے اسے لڑ کے چھین لوگوں سے