farishte bhi pahunch sakte nahin wo hai makan apna

farishte bhī pahuñch sakte nahīñ vo hai makāñ apnā

Thikānā DhūñDe daur-e-zamīñ-o-āsmāñ apnā

ḳhudā jabbār hai har banda bhī majbūr o taabe hai

do aalam meñ nazar aayā na koī mehrbāñ apnā

nigāh-e-muztarib phir DhūñDtī hai kis ko har shai meñ

zamīn apnī aziiz apne ḳhudā-e-do-jahāñ apnā

guzarne ko to guzre jā rahe haiñ rāh-e-hastī se

magar hai kārvāñ apnā na mīr-e-kārvāñ apnā

na vo parvāz kī quvvat na vo dil kī umañg ab hai

huī muddat chaman chhūTe qafas hai āshiyāñ apnā

pahelī ḳhud thī hastī ishq ne kuchh aur uljhā.ī

koī ai 'sehr' kyā samjhe nahīñ maiñ rāz-dāñ apnā

farishte bhi pahunch sakte nahin wo hai makan apna

Thikana DhunDe daur-e-zamin-o-asman apna

KHuda jabbar hai har banda bhi majbur o tabe hai

do aalam mein nazar aaya na koi mehrban apna

nigah-e-muztarib phir DhunDti hai kis ko har shai mein

zamin apni aziz apne KHuda-e-do-jahan apna

guzarne ko to guzre ja rahe hain rah-e-hasti se

magar hai karwan apna na mir-e-karwan apna

na wo parwaz ki quwwat na wo dil ki umang ab hai

hui muddat chaman chhuTe qafas hai aashiyan apna

paheli KHud thi hasti ishq ne kuchh aur uljhai

koi ai 'sehr' kya samjhe nahin main raaz-dan apna