fath ki mana ki saughat nahin aaegi

fat.h kī maanā ki sauġhāt nahīñ aa.egī

mere hisse meñ magar maat nahīñ aa.egī

tum mire paas dubāra bhī chale aa.e to kyā

tum meñ jo pahle thī vo baat nahīñ aa.egī

aaj jī bhar ke tujhe dekh luuñ maiñ jāntā huuñ

lauT kar phir ye kabhī raat nahīñ aa.egī

tū ne to kah diyā bas dil se nikal jaao mire

kyā tirī yaad mire saath nahīñ aa.egī

dil kī vīrān paḌī dasht-numā dhartī par

ab kabhī 'ishq kī barsāt nahīñ aa.egī

bad-nasībī kī bhī majbūriyāñ samjho 'āqib'

tum se milne to vo din raat nahīñ aa.egī

fath ki mana ki saughat nahin aaegi

mere hisse mein magar mat nahin aaegi

tum mere pas dubara bhi chale aae to kya

tum mein jo pahle thi wo baat nahin aaegi

aaj ji bhar ke tujhe dekh lun main jaanta hun

lauT kar phir ye kabhi raat nahin aaegi

tu ne to kah diya bas dil se nikal jao mere

kya teri yaad mere sath nahin aaegi

dil ki viran paDi dasht-numa dharti par

ab kabhi 'ishq ki barsat nahin aaegi

bad-nasibi ki bhi majburiyan samjho 'aqib'

tum se milne to wo din raat nahin aaegi