faza mein surmai chadar tani hai sham hui

fazā meñ surma.ī chādar tanī hai shaam huī

tire ḳhayāl kī raftār tez-gām huī

ḳhatīb-e-shahr kī taqrīr zahr-afshāñ thī

fazā meñ zahr ghulā zindagī harām huī

bajā hai der se tadbīr kī magar kaisī

qadam qadam pe jo taqdīr kī imaam huī

buland hone lagā hai sitāra-e-taqdīr

junūn-e-shauq meñ tadbīr be-lagām huī

ḳhirad kā ḳhabt kabhī to kabhī junūn kā shauq

baḌe jatan jo kiye zindagī ye raam huī

huā thā jis pe tumheñ kal gumān-e-badnāmī

ḳhatā vahī to mirī vaj.h-e-ehtirām huī

ba-juz tumhāre koī rāz-dāñ na thā 'ash.har'

jo ḳhaas baat thī phir kis tarah vo 'aam huī

faza mein surmai chadar tani hai sham hui

tere KHayal ki raftar tez-gam hui

KHatib-e-shahr ki taqrir zahr-afshan thi

faza mein zahr ghula zindagi haram hui

baja hai der se tadbir ki magar kaisi

qadam qadam pe jo taqdir ki imam hui

buland hone laga hai sitara-e-taqdir

junun-e-shauq mein tadbir be-lagam hui

KHirad ka KHabt kabhi to kabhi junun ka shauq

baDe jatan jo kiye zindagi ye ram hui

hua tha jis pe tumhein kal guman-e-badnami

KHata wahi to meri wajh-e-ehtiram hui

ba-juz tumhaare koi raaz-dan na tha 'ashhar'

jo KHas baat thi phir kis tarah wo 'am hui