fikr kar ta’mir-e-dil ki wo yahin aa jaega

fikr kar tā’mīr-e-dil kī vo yahīñ aa jā.egā

ban gayā jis din makāñ ḳhud hī makīñ aa jā.egā

ḳhud bhī vo chālāk hai lekin agar himmat karo

pahlā pahlā jhūTh hai us ko yaqīñ aa jā.egā

kaun sā ham roz roz us ko bulāte haiñ yahāñ

be-muravvat hai magar itnā nahīñ aa jā.egā

ham se mil lene kā matlab ye nahīñ hogā ki ab

har koī us ko bulā le har kahīñ aa jā.egā

zaḳhm-e-dil to saat pardoñ meñ chhupā hogā kahīñ

aur sab ke sāmne dāġh-e-jabīñ aa jā.egā

ham to samjhe the ki is lashkar-kashī se husn kā

kuchh 'ilāqa aur bhī zer-e-nagīñ aa jā.egā

ab to jaise ḳhud bhī aana chāhtā hai vo 'zafar'

ghar galī hotel jahāñ chāho vahīñ aa jā.egā

fikr kar ta’mir-e-dil ki wo yahin aa jaega

ban gaya jis din makan KHud hi makin aa jaega

KHud bhi wo chaalak hai lekin agar himmat karo

pahla pahla jhuTh hai us ko yaqin aa jaega

kaun sa hum roz roz us ko bulate hain yahan

be-murawwat hai magar itna nahin aa jaega

hum se mil lene ka matlab ye nahin hoga ki ab

har koi us ko bula le har kahin aa jaega

zaKHm-e-dil to sat pardon mein chhupa hoga kahin

aur sab ke samne dagh-e-jabin aa jaega

hum to samjhe the ki is lashkar-kashi se husn ka

kuchh 'ilaqa aur bhi zer-e-nagin aa jaega

ab to jaise KHud bhi aana chahta hai wo 'zafar'

ghar gali hotel jahan chaho wahin aa jaega