fishaar-e-saut-o-sada hain gham-e-musalsal hain

fishār-e-saut-o-sadā haiñ ġham-e-musalsal haiñ

ajab sā shor haiñ ham ik ajiib halchal haiñ

hamāre sāmne ik khaultā samundar hai

utar rahe haiñ jo is meñ ajiib pāgal haiñ

ḳhud apnā aap hī qātil haiñ log ḳhud hī qatīl

har ek moḌ pe kaise ajiib maqtal haiñ

milā na baḳht-e-siyah ko jamāl-e-ḳhurshīdī

jo raushnī ke the darvāze sab muqaffal haiñ

mile kahīñ koī saaya to ham bhī so jaa.eñ

'sho.aib' sadiyoñ se āñkheñ hamārī bojhal haiñ

fishaar-e-saut-o-sada hain gham-e-musalsal hain

ajab sa shor hain hum ek ajib halchal hain

hamare samne ek khaulta samundar hai

utar rahe hain jo is mein ajib pagal hain

KHud apna aap hi qatil hain log KHud hi qatil

har ek moD pe kaise ajib maqtal hain

mila na baKHt-e-siyah ko jamal-e-KHurshidi

jo raushni ke the darwaze sab muqaffal hain

mile kahin koi saya to hum bhi so jaen

'shoaib' sadiyon se aankhen hamari bojhal hain