fitna-parwar hai fitna-za hai jhuT

fitna-parvar hai fitna-zā hai jhuuT

har burā.ī kī ibtidā hai jhuuT

jhuuT maano na tum kahā merā

muñh pe jhūTe ke kheltā hai jhuuT

naam rakkhā hai us kā policy

kaisā maqbūl ho gayā hai jhuuT

jo qasam baat baat par khaa.e

jaan lo tum ye bak rahā hai jhuuT

pā nahīñ saktā hai daroġh faroġh

kyā buzurgoñ ne ye kahā hai jhuuT

sāñch ko aañch tak na pahuñchegī

laakh duniyā meñ chal rahā hai jhuuT

bach ke jhūTe se chāhiye rahnā

parda-e-makr aur daġhā hai jhuuT

jhuuT ko jhuuT gar kahā ham ne

tum hī kah do ki is meñ kyā hai jhuuT

kaañp uThtā hai ai atā īmān

jab koī shaḳhs boltā hai jhuuT

fitna-parwar hai fitna-za hai jhuT

har burai ki ibtida hai jhuT

jhuT mano na tum kaha mera

munh pe jhuTe ke khelta hai jhuT

nam rakkha hai us ka policy

kaisa maqbul ho gaya hai jhuT

jo qasam baat baat par khae

jaan lo tum ye bak raha hai jhuT

pa nahin sakta hai darogh farogh

kya buzurgon ne ye kaha hai jhuT

sanch ko aanch tak na pahunchegi

lakh duniya mein chal raha hai jhuT

bach ke jhuTe se chahiye rahna

parda-e-makr aur dagha hai jhuT

jhuT ko jhuT gar kaha hum ne

tum hi kah do ki is mein kya hai jhuT

kanp uThta hai ai ata iman

jab koi shaKHs bolta hai jhuT