fitna uTThe koi ya ghat mein dushman baiThe

fitna uTThe koī yā ghaat meñ dushman baiThe

kār-e-ulfat pe to ab hazrat-e-dil Than baiThe

shaiḳh kā'be meñ kalīsā meñ barahman baiThe

ham to kūche meñ tire maar ke aasan baiThe

sū-e-daulat nazar aa.ī na jo rāh-e-e'zāz

masnad-e-sabr-o-tavakkul hī pe ham tan baiThe

huuñ maiñ vo rind agar hashr meñ mulzim Thahrūñ

faisle ke liye hūroñ kā commission baiThe

inqilāb-e-ravish-e-charḳh ko dekh ai 'akbar'

kal jo the dost mire aaj 'adū ban baiThe

hind se aap ko hijrat ho mubārak 'akbar'

ham to gangā hī pe ab maar ke aasan baiThe

fitna uTThe koi ya ghat mein dushman baiThe

kar-e-ulfat pe to ab hazrat-e-dil Than baiThe

shaiKH ka'be mein kalisa mein barahman baiThe

hum to kuche mein tere mar ke aasan baiThe

su-e-daulat nazar aai na jo rah-e-e'zaz

masnad-e-sabr-o-tawakkul hi pe hum tan baiThe

hun main wo rind agar hashr mein mulzim Thahrun

faisle ke liye huron ka commission baiThe

inqilab-e-rawish-e-charKH ko dekh ai 'akbar'

kal jo the dost mere aaj 'adu ban baiThe

hind se aap ko hijrat ho mubarak 'akbar'

hum to ganga hi pe ab mar ke aasan baiThe