gada-e-shahr-e-ainda tahi-kasa milega

Sarvat Husain

gada-e-shahr-e-ainda tahi-kasa milega

Sarvat Husain

MORE BYSarvat Husain

    gadā-e-shahr-e-ā.inda tahī-kāsa milegā

    tajāvuz aur tanhā.ī had par kyā milegā

    siyāhī phertī jaatī haiñ rāteñ bahr o bar pe

    inhī tārīkiyoñ se mujh ko bhī hissa milegā

    maiñ apnī pyaas ke hamrāh mashkīza uThā.e

    ki in sairāb logoñ meñ koī pyāsā milegā

    rivāyat hai ki ābā.ī makānoñ par sitāra

    bahut raushan magar namnāk o afsurda milegā

    shajar haiñ aur is miTTī se paivasta raheñge

    jo ham meñ se nahīñ āsā.ishoñ se milegā

    ridā-e-reshmī oḌhe hue guzregī mish.al

    nashist-e-sañg pe har sub.h gul-dasta milegā

    vo ā.īna jise ujlat meñ chhoḌ aa.e the sāthī

    na jaane bād-o-ḳhāk-āsār meñ kaisā milegā

    use bhī yaad rakhnā bād-bānī sā.atoñ meñ

    vo sayyāra kanār-e-sub.h-e-fardā aa milegā

    charā-gāhoñ meñ ruk kar āsmānī ghanTiyoñ ko

    suno kuchh der ki vo zamzama-pairā milegā

    usī vādiyoñ meñ tā.irān-e-rizq-jū ko

    nasheman aur ujlī niiñd dariyā milegā

    usī jā-e-namāz o raaz pe ik roz 'sarvat'

    achānak dar khulegā aur vo jhoñkā milegā

    gada-e-shahr-e-ainda tahi-kasa milega

    tajawuz aur tanhai ki had par kya milega

    siyahi pherti jati hain raaten bahr o bar pe

    inhi tarikiyon se mujh ko bhi hissa milega

    main apni pyas ke hamrah mashkiza uThae

    ki in sairab logon mein koi pyasa milega

    riwayat hai ki aabai makanon par sitara

    bahut raushan magar namnak o afsurda milega

    shajar hain aur is miTTi se paiwasta rahenge

    jo hum mein se nahin aasaishon se ja milega

    rida-e-reshmi oDhe hue guzregi mishal

    nashist-e-sang pe har subh gul-dasta milega

    wo aaina jise ujlat mein chhoD aae the sathi

    na jaane baad-o-KHak-asar mein kaisa milega

    use bhi yaad rakhna baad-bani saaton mein

    wo sayyara kanar-e-subh-e-farda aa milega

    chara-gahon mein ruk kar aasmani ghanTiyon ko

    suno kuchh der ki wo zamzama-paira milega

    usi ki wadiyon mein tairan-e-rizq-ju ko

    nasheman aur ujli nind ka dariya milega

    usi ja-e-namaz o raaz pe ek roz 'sarwat'

    achanak dar khulega aur wo jhonka milega

    Source :
    • Book : Saweera (magazine-56 (Pg. 156)
    • Author : Salahuddin Mahmood
    • Publication : Saweera art Press, Pakistan (1979)
    • Edition : 1979
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY