gaDe mardon ne aksar zinda logon ki qayaadat ki

gaḌe mardoñ ne aksar zinda logoñ kī qayādat kī

mirī rāhoñ meñ bhī haa.il haiñ dīvāreñ qadāmat kī

na.ī kirneñ purāne āsmāñ meñ kyuuñ jagah paa.eñ

vo kāfir hai ki jis ne chaḌhte sūraj kī 'ibādat kī

purānī sīḌhiyoñ par maiñ na.e qadmoñ ko kyuuñ rakhūñ

girā.ūñ kis liye chhat sar pe bosīda imārat kī

tirā ehsās bhī hogā kabhī merī tarah patthar

nikal jā.egī ā.īne se parchhā.īñ nazākat kī

vo merā but thā jis ko maiñ ne apne haath se toḌā

ki barsoñ kī ye mehnat ek lamhe meñ akārat kī

agar hai naam kī ḳhvāhish to dīvāroñ pe chaspāñ kar

banā kar jhuuT ke rañgoñ se tasvīreñ sadāqat kī

abhī sīnoñ meñ lahrāte haiñ merī yaad ke parcham

abhī tak sabt haiñ mohreñ diloñ par bādshāhat kī

abhī sab harf taaza haiñ mukartā kyuuñ hai mā'nī se

siyāhī ḳhushk bhī hone nahīñ paa.ī ibārat kī

koī mīThe phaloñ kī aas meñ kyuuñ talḳh din kaaTe

kise fursat hai 'sājid' āj-kal sabr-o-qanā'at kī

gaDe mardon ne aksar zinda logon ki qayaadat ki

meri rahon mein bhi hail hain diwaren qadamat ki

nai kirnen purane aasman mein kyun jagah paen

wo kafir hai ki jis ne chaDhte suraj ki 'ibaadat ki

purani siDhiyon par main nae qadmon ko kyun rakhun

giraun kis liye chhat sar pe bosida imarat ki

tera ehsas bhi hoga kabhi meri tarah patthar

nikal jaegi aaine se parchhain nazakat ki

wo mera but tha jis ko main ne apne hath se toDa

ki barson ki ye mehnat ek lamhe mein akarat ki

agar hai nam ki KHwahish to diwaron pe chaspan kar

bana kar jhuT ke rangon se taswiren sadaqat ki

abhi sinon mein lahraate hain meri yaad ke parcham

abhi tak sabt hain mohren dilon par baadshahat ki

abhi sab harf taza hain mukarta kyun hai ma'ni se

siyahi KHushk bhi hone nahin pai ibarat ki

koi miThe phalon ki aas mein kyun talKH din kaTe

kise fursat hai 'sajid' aaj-kal sabr-o-qana'at ki