ghaflat mein kaTi umr na hushyar hue hum

ġhaflat meñ kaTī umr na hushyār hue ham

sote hī rahe aah na bedār hue ham

ye be-ḳhabarī dekh ki jab ham-safar apne

kosoñ ga.e tab aah ḳhabar-dār hue ham

sayyād hī se pūchho ki ham ko nahīñ mālūm

kyā jāniye kis tarah giraftār hue ham

thī chashm ki tū rahm karegā kabhū so haa.e

ġhussa ke bhī tere na sazā-vār hue ham

aatā hī na us kūche se tābūt hamārā

dafn āḳhir usī ke pas-e-dīvār hue ham

zaḳhm-e-kuhan apnā huā nāsūr pe 'rāsiḳh'

marham ke kisū se na talabgār hue ham

ghaflat mein kaTi umr na hushyar hue hum

sote hi rahe aah na bedar hue hum

ye be-KHabari dekh ki jab ham-safar apne

koson gae tab aah KHabar-dar hue hum

sayyaad hi se puchho ki hum ko nahin malum

kya jaaniye kis tarah giraftar hue hum

thi chashm ki tu rahm karega kabhu so hae

ghussa ke bhi tere na saza-war hue hum

aata hi na us kuche se tabut hamara

dafn aaKHir usi ke pas-e-diwar hue hum

zaKHm-e-kuhan apna hua nasur pe 'rasiKH'

marham ke kisu se na talabgar hue hum