ghair hum ko kahan gawara hai

ġhair ham ko kahāñ gavārā hai

jo hamārā hai bas hamārā hai

merī duniyā meñ raushnī kā sabab

ek chehra hai ik sitāra hai

maiñ tujhe kaise chhoḌ saktī huuñ

tū mirā āḳhirī sahārā hai

aap be-vaj.h yaad aa.e haiñ

aap ko be-sabab pukārā hai

saath rahte to Thiik thā lekin

āḳhirī faisla tumhārā hai

ham ne ik shaḳhs kī tamanna meñ

kul jahān-e-nashāt haarā hai

pūchhtā hī nahīñ koī ab to

marne vaale ko kis ne maarā hai

ruuh sarshār hotī hai sun ke

aap kā naam kitnā pyārā hai

ham ne dekhā hai bārhā chakh ke

ashk kā zā.iqa to khārā hai

ghair hum ko kahan gawara hai

jo hamara hai bas hamara hai

meri duniya mein raushni ka sabab

ek chehra hai ek sitara hai

main tujhe kaise chhoD sakti hun

tu mera aaKHiri sahaara hai

aap be-wajh yaad aae hain

aap ko be-sabab pukara hai

sath rahte to Thik tha lekin

aaKHiri faisla tumhaara hai

hum ne ek shaKHs ki tamanna mein

kul jahan-e-nashat haara hai

puchhta hi nahin koi ab to

marne wale ko kis ne mara hai

ruh sarshaar hoti hai sun ke

aap ka nam kitna pyara hai

hum ne dekha hai barha chakh ke

ashk ka zaiqa to khaara hai