غیر شایان رسم و راہ نہیں
غیر شایان رسم و راہ نہیں
کب وہ عاشق ہے جو تباہ نہیں
اے فلک دور حسن میں اس کے
تجھ کو کچھ فکر مہر و ماہ نہیں
ربط دشمن سے بھی وہ بد بر ہے
اب کسی طرح سے نباہ نہیں
کم نگاہی کو ان کی دیکھتے ہیں
ان پہ بھی اب ہمیں نگاہ نہیں
پردہ کب تک رہے گا اے ظالم
اختر مدعی سیاہ نہیں
ظلم کی قدر کے لئے ہے رحم
داد کچھ بہر داد خواہ نہیں
حیف قزاقیٔ زمانہ حیف
رسم و رہ بہر رسم و راہ نہیں
ہے گدا شاہ بلکہ شاہنشاہ
سطوت قہر بادشاہ نہیں
الفت اور تم سے ہائے ہائے نہ ہو
لب دشمن پہ آہ آہ نہیں
پستی طالع بہر خوبی فن
کیا وہ یوسف جو غرق چاہ نہیں
عرصۂ نیستی و ہستی سے
بچ کے چلنے کی کوئی راہ نہیں
اے قلقؔ کیا ہوا بڑھاپے میں
عشق کچھ سیر صبح گاہ نہیں
مأخذ:
Kulliyat-e-Qalaq (Pg. ebook-251 page-173)
- مصنف: قلق میرٹھی
-
- اشاعت: 1966
- ناشر: سید امتیاز علی تاج, مجلس ترقی ادب، لاہور
- سن اشاعت: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
