ghalat-bayani pe uski yaqin dikhati rahi

Nusrat Mehdi

ghalat-bayani pe uski yaqin dikhati rahi

Nusrat Mehdi

MORE BYNusrat Mehdi

    ġhalat-bayānī pe us yaqīñ dikhātī rahī

    maiñ sab samajhtī rahī aur muskurātī rahī

    ye soch kar ki taġhāful to us fitrat hai

    maiñ apne dil ko baḌī der tak manātī rahī

    use to lauT ke aanā thā vo lauT aayā

    magar vo aayā to hāthoñ se umr jaatī rahī

    ajab rivāyatī aurat hai zindagī merī

    hamesha hasb-e-zarūrat chāhī jaatī rahī

    use chaman bahār-o-ḳhizāñ se kyā matlab

    vo ek bholī chiḌiyā thī chahchahātī rahī

    vo din ki bojh kaḌī dhuup meñ uThātā rahā

    maiñ ratjagoñ thakan oḌhtī bichhātī rahī

    nazar meñ rahnā thā 'nusrat' to us palkoñ se

    tamām umr maiñ gard-e-safar haTātī rahī

    ghalat-bayani pe us ki yaqin dikhati rahi

    main sab samajhti rahi aur muskuraati rahi

    ye soch kar ki taghaful to us ki fitrat hai

    main apne dil ko baDi der tak manati rahi

    use to lauT ke aana hi tha wo lauT aaya

    magar wo aaya to hathon se umr jati rahi

    ajab riwayati aurat hai zindagi meri

    hamesha hasb-e-zarurat hi chahi jati rahi

    use chaman ki bahaar-o-KHizan se kya matlab

    wo ek bholi si chiDiya thi chahchahati rahi

    wo din ki bojh kaDi dhup mein uThata raha

    main ratjagon ki thakan oDhti bichhati rahi

    nazar mein rahna tha 'nusrat' to us ki palkon se

    tamam umr main gard-e-safar haTati rahi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY