gale lagae raha sab ka dhyan tha itna

gale lagā.e rahā sab kā dhyān thā itnā

ga.ī rutoñ kā shajar mehrbān thā itnā

na jaane kitne samundar utar ga.e hoñge

kisī ke paañv kā gahrā nishān thā itnā

ḳhalāoñ meñ had-e-fāsil ko khīñchne vaalo

zamīñ se duur kabhī āsmān thā itnā

khaḌā hai sāmne ban kar ḳhulūs kā paikar

jo shaḳhs dekhne meñ bad-zabān thā itnā

badan se ruuh nikalne ke ba.ad lauT aa.ī

vo mar ke bhī na mirā saḳht-jān thā itnā

vo apne qad ko baḌhā kar bhī chhū nahīñ paa.e

jhukā huā ye tirā sā.ebān thā itnā

koī charāġh-e-sahar tak na chal sakā ai 'shād'

galī ke moḌ pe ḳhūnī makān thā itnā

gale lagae raha sab ka dhyan tha itna

gai ruton ka shajar mehrban tha itna

na jaane kitne samundar utar gae honge

kisi ke panw ka gahra nishan tha itna

KHalaon mein had-e-fasil ko khinchne walo

zamin se dur kabhi aasman tha itna

khaDa hai samne ban kar KHulus ka paikar

jo shaKHs dekhne mein bad-zaban tha itna

badan se ruh nikalne ke baad lauT aai

wo mar ke bhi na mera saKHt-jaan tha itna

wo apne qad ko baDha kar bhi chhu nahin pae

jhuka hua ye tera saeban tha itna

koi charagh-e-sahar tak na chal saka ai 'shad'

gali ke moD pe KHuni makan tha itna