gali gali hain bheDiye muhafizon ke rup mein

galī galī haiñ bheḌiye muhāfizoñ ke ruup meñ

kasāfatoñ kā raaj hai nafāsatoñ ke ruup meñ

ham ahl-e-shauq zaḳhm chāTte ravāñ-davāñ rahe

saḌak pe ḳhaar the saje hue guloñ ke ruup meñ

huzūr vaqt mil sake to ek baar dekh leñ

ye sā.iloñ ke mas.ale haiñ fā.iloñ ke ruup meñ

kahā gayā thā manzil-e-murād pā.eñge magar

hameñ jo rāhzan mile haiñ rahbaroñ ke ruup meñ

ab apne ḳhuun par bhī e'timād kuchh muhāl hai

safediyāñ chhipī huī haiñ surḳhiyoñ ke ruup meñ

baḌe qalam-farosh log the jinhoñ ne āḳhirash

hameñ tabāh kar diyā hai 'ālamoñ ke ruup meñ

abhī se kyoñ gumān-e-tark-e-'āshiqī huā tumheñ

abhī to nāchtā hai ḳhuun dhaḌkanoñ ke ruup meñ

gali gali hain bheDiye muhafizon ke rup mein

kasafaton ka raj hai nafasaton ke rup mein

hum ahl-e-shauq zaKHm chaTte rawan-dawan rahe

saDak pe KHar the saje hue gulon ke rup mein

huzur waqt mil sake to ek bar dekh len

ye sailon ke masale hain failon ke rup mein

kaha gaya tha manzil-e-murad paenge magar

hamein jo rahzan mile hain rahbaron ke rup mein

ab apne KHun par bhi e'timad kuchh muhaal hai

safediyan chhipi hui hain surKHiyon ke rup mein

baDe qalam-farosh log the jinhon ne aaKHirash

hamein tabah kar diya hai 'alamon ke rup mein

abhi se kyon guman-e-tark-e-'ashiqi hua tumhein

abhi to nachta hai KHun dhaDkanon ke rup mein