gali ke moD pe tumko bulana banta tha

galī ke moḌ pe tum ko bulānā bantā thā

vo din chale ga.e jab saath jaanā bantā thā

nadī kināre pe aañsū bahā diye tū ne

yahāñ to terā mirā khilkhilānā bantā thā

ye kyā udāsī liye mere saath chalte ho

tumheñ to merī udāsī baTānā bantā thā

baḌī hī chaah se selfie to tum ne lī hai magar

tumheñ patā hai yahāñ muskurānā bantā thā

ḳhudā se aur to sab ġham chhupā liye lekin

bas ek zaḳhm thā aisā dikhānā bantā thā

koī hai dil meñ tire aur koī ghar meñ hai

so merā apne hī andar Thikāna bantā thā

zarā sā pyaar meñ pāgal bhī ham na ho paa.e

vagarna is meñ to ḳhud ko miTānā bantā thā

use to rakhnā thā ḳhush ek hī to dushman thā

so Thiik haal bhī bigḌā batānā bantā thā

gali ke moD pe tum ko bulana banta tha

wo din chale gae jab sath jaana banta tha

nadi kinare pe aansu baha diye tu ne

yahan to tera mera khilkhilana banta tha

ye kya udasi liye mere sath chalte ho

tumhein to meri udasi baTana banta tha

baDi hi chah se selfie to tum ne li hai magar

tumhein pata hai yahan muskurana banta tha

KHuda se aur to sab gham chhupa liye lekin

bas ek zaKHm tha aisa dikhana banta tha

koi hai dil mein tere aur koi ghar mein hai

so mera apne hi andar Thikana banta tha

zara sa pyar mein pagal bhi hum na ho pae

wagarna is mein to KHud ko miTana banta tha

use to rakhna tha KHush ek hi to dushman tha

so Thik haal bhi bigDa batana banta tha