galiyon mein aahaTon ke machalne ka waqt tha
galiyoñ meñ āhaToñ ke machalne kā vaqt thā
ik aur shaam raat meñ Dhalne kā vaqt thā
us vaqt phir hamāre qadam laḌkhaḌā ga.e
jo vaqt laḌkhaḌā ke sañbhalne kā vaqt thā
āñkhoñ se ḳhvāb raat se taare havā se tum
ik dūsre se sab ke nikalne kā vaqt thā
ik raat darmiyān rakhī thī jamī huī
pighlī nahīñ go us ke pighalne kā vaqt thā
log ek dūsre se bichhaḌte chale ga.e
vo rāstoñ ke raah badalne kā vaqt thā
ye to tumhāre khelne khāne ke roz the
ye to tumhāre phūlne-phalne kā vaqt thā
galiyon mein aahaTon ke machalne ka waqt tha
ek aur sham raat mein Dhalne ka waqt tha
us waqt phir hamare qadam laDkhaDa gae
jo waqt laDkhaDa ke sanbhalne ka waqt tha
aankhon se KHwab raat se tare hawa se tum
ek dusre se sab ke nikalne ka waqt tha
ek raat darmiyan rakhi thi jami hui
pighli nahin go us ke pighalne ka waqt tha
log ek dusre se bichhaDte chale gae
wo raston ke rah badalne ka waqt tha
ye to tumhaare khelne khane ke roz the
ye to tumhaare phulne-phalne ka waqt tha
Source:
Subh Bakhair Zindagi (Pg. 70)
- Author: Ameer Imam
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.