galiyon mein bhaTakna rah-e-alam mein rahna

Ejaz Gul

galiyon mein bhaTakna rah-e-alam mein rahna

Ejaz Gul

MORE BYEjaz Gul

    galiyoñ meñ bhaTaknā rah-e-ālām meñ rahnā

    yaañ sab ko hai nākāmī-e-yak-gām meñ rahnā

    pahle to bikhar jaanā guzargāhoñ ke hamrāh

    phir hasrat-e-dīvār-o-dar-o-bām meñ rahnā

    bāġhāt meñ phirnā ḳhas-o-ḳhāshāk pahan kar

    har silsila-e-sabz ke anjām meñ rahnā

    har saañs meñ ghulnā tirī dahlīz ḳhushbū

    har aañkh duurī ke siyah daam meñ rahnā

    āvāz na aanā kisī ābād makāñ se

    har haath yaañ dastak-e-nākām meñ rahnā

    kuchh der meñ khul jā.egā bastī nasība

    kuchh der hai aur saḳhtī-ayyām meñ rahnā

    'ejāz' bahut din se hai shohrat bulāvā

    tum ho ki vahī qarya-e-gumnām meñ rahnā

    galiyon mein bhaTakna rah-e-alam mein rahna

    yan sab ko hai nakaami-e-yak-gam mein rahna

    pahle to bikhar jaana guzargahon ke hamrah

    phir hasrat-e-diwar-o-dar-o-baam mein rahna

    baghat mein phirna KHas-o-KHashak pahan kar

    har silsila-e-sabz ke anjam mein rahna

    har sans mein ghulna teri dahliz ki KHushbu

    har aankh ka duri ke siyah dam mein rahna

    aawaz na aana kisi aabaad makan se

    har hath ka yan dastak-e-nakaam mein rahna

    kuchh der mein khul jaega basti ka nasiba

    kuchh der hai aur saKHti-ayyam mein rahna

    'ejaz' bahut din se hai shohrat ka bulawa

    tum ho ki wahi qarya-e-gumnam mein rahna

    Source:

    • Book : siip (Magzin) (Pg. 260)
    • Author : Nasiim Durraani
    • Publication : Fikr-e-Nau (39 (Quarterly) )
    • Edition : 39 (Quarterly)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY