gham-e-behad mein kis ko zabt ka maqdur hota hai
ġham-e-behad meñ kis ko zabt kā maqdūr hotā hai
chhalak jaatā hai paimāna agar bharpūr hotā hai
kabhī aisā bhī hotā hai ki dil ranjūr hotā hai
magar insān hañsne ke liye majbūr hotā hai
fazā-e-zindagī kī zulmatoñ ke marsiya-ḳhvāno
añdheroñ hī ke dam se imtiyāz-e-nūr hotā hai
nahīñ ye marhala ai dost har bismil kī qismat meñ
bahut mushkil se koī zaḳhm-e-dil nāsūr hotā hai
ye sa.i-e-zabt-e-ġham āñkhoñ meñ aañsū rokne vaale
safīnoñ meñ kahīñ tūfān bhī mastūr hotā hai
gham-e-behad mein kis ko zabt ka maqdur hota hai
chhalak jata hai paimana agar bharpur hota hai
kabhi aisa bhi hota hai ki dil ranjur hota hai
magar insan hansne ke liye majbur hota hai
faza-e-zindagi ki zulmaton ke marsiya-KHwano
andheron hi ke dam se imtiyaz-e-nur hota hai
nahin ye marhala ai dost har bismil ki qismat mein
bahut mushkil se koi zaKHm-e-dil nasur hota hai
ye sai-e-zabt-e-gham aankhon mein aansu rokne wale
safinon mein kahin tufan bhi mastur hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
