غم دنیا پہ غم ذات پہ رو دیتے ہیں
غم دنیا پہ غم ذات پہ رو دیتے ہیں
غم کے مارے ہوئے ہر بات پہ رو دیتے ہیں
ہم کو رونا ہے تو بس آج کا ہی رونا ہے
لوگ گزرے ہوئے حالات پہ رو دیتے ہیں
یاد آتا ہے کسی بات پہ روئے تھے کبھی
اب یہ عالم ہے کہ ہر بات پہ رو دیتے ہیں
ہم تو خود موڑ دیا کرتے ہیں حالات کا رخ
ہم نہیں وہ کہ جو حالات پہ رو دیتے ہیں
یہ ادا دیکھی ہے ہم نے ترے دیوانوں کی
جس پہ ہنستے ہیں اسی بات پہ رو دیتے ہیں
آخری بار کوئی ہم سے ملا تھا آ کر
یاد آتی ہے تو اس رات پہ رو دیتے ہیں
کل جو رخ پھیر لیا کرتے تھے مجھ سے اخترؔ
آج وہ بھی مرے حالات پہ رو دیتے ہیں
مأخذ:
لمحوں کی کسک (Pg. 78)
- مصنف: اختر گوالیاری
-
- ناشر: مدھیہ پردیش اردو اکیڈمی، بھوپال
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
