gham-e-hayat bata de ki kya pasand nahin

ġham-e-hayāt batā de ki kyā pasand nahīñ

hamārī kaun sī tujh ko adā pasand nahīñ

ḳhudā sune na sune is kā ġham nahīñ lekin

hamāre haq meñ tumhārī du'ā pasand nahīñ

mire mizāj ke rahte nahīñ haiñ log yahāñ

makān apnā hai lekin jagah pasand nahīñ

tumhāre shahr se fauran maiñ lauT jā.ūñgā

tumhāre shahr kī āb-o-havā pasand nahīñ

hamāre sāmne un kī shikāyateñ na karo

hameñ to shikva shikāyat gila pasand nahīñ

mire vatan kī hai miTTī bahut pasand mujhe

mire vatan kī siyāsī fazā pasand nahīñ

akele saare zamāne se laḌte rahne kī

hameñ tumhārī ye 'ādat 'ziyā' pasand nahīñ

gham-e-hayat bata de ki kya pasand nahin

hamari kaun si tujh ko ada pasand nahin

KHuda sune na sune is ka gham nahin lekin

hamare haq mein tumhaari du'a pasand nahin

mere mizaj ke rahte nahin hain log yahan

makan apna hai lekin jagah pasand nahin

tumhaare shahr se fauran main lauT jaunga

tumhaare shahr ki aab-o-hawa pasand nahin

hamare samne un ki shikayaten na karo

hamein to shikwa shikayat gila pasand nahin

mere watan ki hai miTTi bahut pasand mujhe

mere watan ki siyasi faza pasand nahin

akele sare zamane se laDte rahne ki

hamein tumhaari ye 'adat 'ziya' pasand nahin