غم جاناں جہاں لکھا گیا ہے
غم جاناں جہاں لکھا گیا ہے
وہیں پر رائیگاں لکھا گیا ہے
جہاں آباد ہے یادوں کی بستی
اسی کو دشت جاں لکھا گیا ہے
ستم اپنوں کے ظاہر ہو گئے ہیں
مرا درد نہاں لکھا گیا ہے
میں اپنے ہی مقدر میں نہیں ہوں
مجھے آخر کہاں لکھا گیا ہے
ترے قربان میری فکر مثبت
نہیں لکھنا تھا ہاں لکھا گیا ہے
وہ میری خامشی سے ڈر رہے ہیں
جنہیں اہل زباں لکھا گیا ہے
صلہ یہ تجھ میں رہنے کا ہے شاید
مجھے جو بے مکاں لکھا گیا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
