gham-KHana-e-hasti mein hai mehman koi din aur

Akhtar Shirani

gham-KHana-e-hasti mein hai mehman koi din aur

Akhtar Shirani

MORE BYAkhtar Shirani

    ġham-ḳhāna-e-hastī meñ hai mehmāñ koī din aur

    kar le hameñ taqdīr pareshāñ koī din aur

    mar jā.eñge jab ham to bahut yaad karegī

    bhar ke satā le shab-e-hijrāñ koī din aur

    turbat vo jagah hai ki jahāñ ġham hai na hairat

    hairat-kada-e-ġham meñ haiñ hairāñ koī din aur

    yāroñ se gila hai na azīzoñ se shikāyat

    taqdīr meñ hai hasrat-o-hirmāñ koī din aur

    pāmāl-e-ḳhizāñ hone ko haiñ mast bahāreñ

    hai sair-e-gul-o-husn-e-gulistāñ koī din aur

    ham na milegā koī ġham-dost jahāñ meñ

    taḌpā le ġham-e-gardish-e-daurāñ koī din aur

    qabroñ jo rāteñ haiñ vo qabroñ meñ kaTeñgī

    ābād haiñ ye zinda shabistāñ koī din aur

    rañgīnī-e-nuz.hat pe na maġhrūr ho bulbul

    hai rañg bahār-e-chamanistāñ koī din aur

    āḳhir ko vahī ham vahī zulmāt-e-shab-e-ġham

    hai nūr-e-ruḳh-e-māh-e-daraḳhshāñ koī din aur

    āzād hoñ aalam se to āzād huuñ ġham se

    duniyā hai hamāre liye zindāñ koī din aur

    hastī kabhī qudrat ik ehsān thī ham par

    ab ham pe hai qudrat ye ehsāñ koī din aur

    la.anat thī gunāhoñ nadāmat mire haq meñ

    hai shukr ki us se haiñ pashemāñ koī din aur

    shevan ko koī ḳhuld-e-barīñ meñ ye ḳhabar de

    duniyā meñ ab 'aḳhtar' bhī hai mehmāñ koī din aur

    gham-KHana-e-hasti mein hai mehman koi din aur

    kar le hamein taqdir pareshan koi din aur

    mar jaenge jab hum to bahut yaad karegi

    ji bhar ke sata le shab-e-hijran koi din aur

    turbat wo jagah hai ki jahan gham hai na hairat

    hairat-kada-e-gham mein hain hairan koi din aur

    yaron se gila hai na azizon se shikayat

    taqdir mein hai hasrat-o-hirman koi din aur

    pamal-e-KHizan hone ko hain mast bahaaren

    hai sair-e-gul-o-husn-e-gulistan koi din aur

    hum sa na milega koi gham-dost jahan mein

    taDpa le gham-e-gardish-e-dauran koi din aur

    qabron ki jo raaten hain wo qabron mein kaTengi

    aabaad hain ye zinda shabistan koi din aur

    rangini-e-nuzhat pe na maghrur ho bulbul

    hai rang bahaar-e-chamanistan koi din aur

    aaKHir ko wahi hum wahi zulmat-e-shab-e-gham

    hai nur-e-ruKH-e-mah-e-daraKHshan koi din aur

    aazad hon aalam se to aazad hun gham se

    duniya hai hamare liye zindan koi din aur

    hasti kabhi qudrat ka ek ehsan thi hum par

    ab hum pe hai qudrat ka ye ehsan koi din aur

    lanat thi gunahon ki nadamat mere haq mein

    hai shukr ki us se hain pasheman koi din aur

    shewan ko koi KHuld-e-barin mein ye KHabar de

    duniya mein ab 'aKHtar' bhi hai mehman koi din aur

    Source:

    • Book : Kulliyat-e-Akhtar Shirani (Pg. 269)
    • Author : Akhtar Shirani
    • Publication : Modern Publishing House, Daryaganj New delhi (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY