gham ki har ek baat ko ab gham pe chhoD de
ġham kī har ek baat ko ab ġham pe chhoḌ de
is tishnagī ko qatra-e-shabnam pe chhoḌ de
jo tū ne kar diyā hai to is kā hisāb rakh
jo ham se ho gayā hai use ham pe chhoḌ de
ḳhanjar thā kis ke haath meñ bas itnā yaad kar
zaḳhmoñ kā dard vaqt ke marham pe chhoḌ de
tū devtā hai sirf ibādat se kaam rakh
aadam ke har gunāh ko aadam pe chhoḌ de
ab aane vaale vaqt kā tū intizār kar
maazī ko duur haal ke mātam pe chhoḌ de
mausam pe munhasir hai ye fasl-e-ġham-e-hayāt
fasl-e-ġham-e-hayāt ko mausam pe chhoḌ de
tū apne ghar ko talḳhī-e-ġham se bachā ke rakh
aalam kī baat vālī-e-ālam pe chhoḌ de
gham ki har ek baat ko ab gham pe chhoD de
is tishnagi ko qatra-e-shabnam pe chhoD de
jo tu ne kar diya hai to is ka hisab rakh
jo hum se ho gaya hai use hum pe chhoD de
KHanjar tha kis ke hath mein bas itna yaad kar
zaKHmon ka dard waqt ke marham pe chhoD de
tu dewta hai sirf ibaadat se kaam rakh
aadam ke har gunah ko aadam pe chhoD de
ab aane wale waqt ka tu intizar kar
mazi ko dur haal ke matam pe chhoD de
mausam pe munhasir hai ye fasl-e-gham-e-hayat
fasl-e-gham-e-hayat ko mausam pe chhoD de
tu apne ghar ko talKHi-e-gham se bacha ke rakh
aalam ki baat wali-e-alam pe chhoD de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
