gham ki honTon pe dastan bhi rakh

ġham kī hoñToñ pe dāstān bhī rakh

dil jo rakhtā hai to zabān bhī rakh

sabr kā ajr mil hī jā.egā

'ishq gar hai to itminān bhī rakh

ai ḳhudā kis ne ye kahā tujh se

zindagānī meñ imtihān bhī rakh

tū hameñ chhoḌ de bajā lekin

apne 'ahd-e-vafā kā dhyān bhī rakh

ḳhuub mehnat zamīnī sath pe kar

aur tasavvur meñ āsmān bhī rakh

'izzat-e-nafs par na ban aa.e

ḳhāndānī hai ān-bān bhī rakh

kyā chhupāne se fā.eda āḳhir

baat kuchh hai to darmiyān bhī rakh

ye tujhe haisiyat batā.egā

apne kamre meñ ḳhāk-dān bhī rakh

shauq se chhū bulandiyāñ lekin

zer-e-pā apne pā.edān bhī rakh

ai 'karan' bandagī to Thiik hai par

dil meñ kuchh fikr-e-bandagān bhī rakh

gham ki honTon pe dastan bhi rakh

dil jo rakhta hai to zaban bhi rakh

sabr ka ajr mil hi jaega

'ishq gar hai to itminan bhi rakh

ai KHuda kis ne ye kaha tujh se

zindagani mein imtihan bhi rakh

tu hamein chhoD de baja lekin

apne 'ahd-e-wafa ka dhyan bhi rakh

KHub mehnat zamini sath pe kar

aur tasawwur mein aasman bhi rakh

'izzat-e-nafs par na ban aae

KHandani hai aan-ban bhi rakh

kya chhupane se faeda aaKHir

baat kuchh hai to darmiyan bhi rakh

ye tujhe haisiyat bataega

apne kamre mein KHak-dan bhi rakh

shauq se chhu bulandiyan lekin

zer-e-pa apne paedan bhi rakh

ai 'karan' bandagi to Thik hai par

dil mein kuchh fikr-e-bandagan bhi rakh