غموں سے استفادہ کر رہا ہوں
غموں سے استفادہ کر رہا ہوں
محبت کا اعادہ کر رہا ہوں
ترے نقش قدم سے دور ہٹ کر
الگ تعمیر جادہ کر رہا ہوں
ترے ہر کام کو نیکی سمجھ کر
زمانے سے زیادہ کر رہا ہوں
ڈھکے تن بھی ملے عزت بھی جس سے
وہ تہذیب لبادہ کر رہا ہوں
کسی سے داد بھی لینی ہے مجھ کو
بیان شعر سادہ کر رہا ہوں
ہمیشہ سچ اگلواتا رہا ہے
تبھی تعریف بادہ کر رہا ہوں
وہ جس سے کھا چکا ہوں مات جامیؔ
اسی کا پھر ارادہ کر رہا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
