gar dua bhi koi chiz hai to dua ke hawale kiya

gar duā bhī koī chiiz hai to duā ke havāle kiyā

jā tujhe aaj se ham ne apne ḳhudā ke havāle kiyā

ek muddat huī ham ne duniyā kī har ek zid chhoḌ dī

ek muddat huī ham ne dil ko vafā ke havāle kiyā

is tarah ham ne terī mohabbat zamāne ke hāthoñ meñ dī

jis tarah gul ne ḳhushbū ko bād-e-sabā ke havāle kiyā

bebasī sī ajab zindagī meñ ik aisī bhī aa.ī ki jab

ham ne chup-chāp hāthoñ ko rasm-e-hinā ke havāle kiyā

ḳhuun ne terī yādeñ sulagtī huī raat ko sauñp diiñ

āñsuoñ ne tirā dard rūkhī havā ke havāle kiyā

gar dua bhi koi chiz hai to dua ke hawale kiya

ja tujhe aaj se hum ne apne KHuda ke hawale kiya

ek muddat hui hum ne duniya ki har ek zid chhoD di

ek muddat hui hum ne dil ko wafa ke hawale kiya

is tarah hum ne teri mohabbat zamane ke hathon mein di

jis tarah gul ne KHushbu ko baad-e-saba ke hawale kiya

bebasi si ajab zindagi mein ek aisi bhi aai ki jab

hum ne chup-chap hathon ko rasm-e-hina ke hawale kiya

KHun ne teri yaaden sulagti hui raat ko saunp din

aansuon ne tera dard rukhi hawa ke hawale kiya