gar idhar chale aate tum kisi bahane se

gar idhar chale aate tum kisī bahāne se

ham najāt pā jaate do ghaḌī zamāne se

jab kabhī akele meñ paas aa ke baiThī hai

lag ke ḳhuub ro.e haiñ zindagī ke shāne se

sirf ashk de kar hī tum ḳharīd sakte ho

ham nikal ke aa.e haiñ dard ke ḳhazāne se

shab ko shab banāne ke aur bhī sharā.it haiñ

raat ho nahīñ jaatī chāñd jagmagāne se

dard thā qarīne se chhup ke ro liye hote

kyā milā bhalā is ko mudda'ā banāne se

ek din sitāroñ se mil ke un se pūchheñge

uub kyoñ nahīñ jaate roz jhilmilāne se

ye alag ki āḳhir meñ ham hī jiit jā.eñge

fā.eda nahīñ lekin baat ab baḌhāne se

'umr-bhar kī rindī ne bas yahī sikhāyā hai

pyaas aur baḌhtī hai pyaas ko bujhāne se

dukh to hai hasīñ manzar aañkh se huā ojhal

niiñd khul ga.ī lekin ḳhvāb TuuT jaane se

gar idhar chale aate tum kisi bahane se

hum najat pa jate do ghaDi zamane se

jab kabhi akele mein pas aa ke baiThi hai

lag ke KHub roe hain zindagi ke shane se

sirf ashk de kar hi tum KHarid sakte ho

hum nikal ke aae hain dard ke KHazane se

shab ko shab banane ke aur bhi sharait hain

raat ho nahin jati chand jagmagane se

dard tha qarine se chhup ke ro liye hote

kya mila bhala is ko mudda'a banane se

ek din sitaron se mil ke un se puchhenge

ub kyon nahin jate roz jhilmilane se

ye alag ki aaKHir mein hum hi jit jaenge

faeda nahin lekin baat ab baDhane se

'umr-bhar ki rindi ne bas yahi sikhaya hai

pyas aur baDhti hai pyas ko bujhane se

dukh to hai hasin manzar aankh se hua ojhal

nind khul gai lekin KHwab TuT jaane se