gar teri jumbish-e-abru ka ishaara ho jae

gar tirī jumbish-e-abrū kā ishāra ho jaa.e

Dūbte shaḳhs ko tinke kā sahārā ho jaa.e

ham se bad-baḳht ke haq meñ koī taarā ho jaa.e

ain mumkin hai kisī din vo hamārā ho jaa.e

ḳhvāb meñ aa ki ho nīñdoñ pe bharosa bhī koī

yaar milne kā bas ik aise hī chāra ho jaa.e

is se pahle ki tujhe dil se bhulā deñ ham bhī

aur phir terī jagah koī hamārā ho jaa.e

vo jo hāsil na huā ḳhair koī baat nahīñ

vo kisī aur kā ho kaise gavārā ho jaa.e

zindagī niiñd se uTh jaa.e agar jān-e-jahāñ

us ke hoñToñ pe bas ik bosa tumhārā ho jaa.e

hone aa.e to bhalā kyā nahīñ hotā hai yahāñ

chāñd bhī ishq kare aur sitāra ho jaa.e

DhūñDne vaale pareshān bahut haiñ 'adnān'

kyā ye mumkin hai koī vaisā ḳhudārā ho jaa.e

gar teri jumbish-e-abru ka ishaara ho jae

Dubte shaKHs ko tinke ka sahaara ho jae

hum se bad-baKHt ke haq mein koi tara ho jae

ain mumkin hai kisi din wo hamara ho jae

KHwab mein aa ki ho nindon pe bharosa bhi koi

yar milne ka bas ek aise hi chaara ho jae

is se pahle ki tujhe dil se bhula den hum bhi

aur phir teri jagah koi hamara ho jae

wo jo hasil na hua KHair koi baat nahin

wo kisi aur ka ho kaise gawara ho jae

zindagi nind se uTh jae agar jaan-e-jahan

us ke honTon pe bas ek bosa tumhaara ho jae

hone aae to bhala kya nahin hota hai yahan

chand bhi ishq kare aur sitara ho jae

DhunDne wale pareshan bahut hain 'adnan'

kya ye mumkin hai koi waisa KHudara ho jae