gardish-e-charKH se qayam nahin

gardish-e-charḳh se qayām nahīñ

sub.h ghar meñ huuñ maiñ to shaam nahīñ

kabhī to muñh se boliye sāhab

be-dahan ho to kuchh kalām nahīñ

jāñ-ba-lab huuñ firāq-dil-bar meñ

sub.h jiitā rahā to shaam nahīñ

kis ke zulfoñ ke baal bikhre haiñ

mere nabzoñ meñ intizām nahīñ

roz-o-shab zikr-e-zulf-o-ārif hai

ye kahānī kabhī tamām nahīñ

kyā raqīboñ se maiñ jihād karūñ

mere hamrāh vo imaam nahīñ

terā dīvāna mar gayā shāyad

aaj galiyoñ meñ azhdahām nahīñ

hijr meñ ye sharāb hai tezāb

haath par aabla hai jaam nahīñ

kyā samajh kar ye naaz karte haiñ

amradoñ kā koī ġhulām nahīñ

valvale the shabāb tak apne

ab hamārī vo dhūm-dhām nahīñ

is taraf se haiñ sajde par sajde

us taraf se kabhī salām nahīñ

dil ko le kar alag hue aise

ki kabhī tum ko ham se kaam nahīñ

mauj dariyā-e-pā.emālī hai

us jafākār kā ḳhirām nahīñ

bosa le kar mazā milā mujh ko

hanzal us kā zaqan hai aam nahīñ

kis ke bal par vo shoḳh hai maġhrūr

ḳhat-e-shab-rañg fauj-e-shām nahīñ

'bahr' bahke hue haiñ ahl-e-dil

nashsha-e-āb-e-zar mudām nahīñ

gardish-e-charKH se qayam nahin

subh ghar mein hun main to sham nahin

kabhi to munh se boliye sahab

be-dahan ho to kuchh kalam nahin

jaan-ba-lab hun firaq-dil-bar mein

subh jita raha to sham nahin

kis ke zulfon ke baal bikhre hain

mere nabzon mein intizam nahin

roz-o-shab zikr-e-zulf-o-arif hai

ye kahani kabhi tamam nahin

kya raqibon se main jihad karun

mere hamrah wo imam nahin

tera diwana mar gaya shayad

aaj galiyon mein azhdaham nahin

hijr mein ye sharab hai tezab

hath par aabla hai jam nahin

kya samajh kar ye naz karte hain

amradon ka koi ghulam nahin

walwale the shabab tak apne

ab hamari wo dhum-dham nahin

is taraf se hain sajde par sajde

us taraf se kabhi salam nahin

dil ko le kar alag hue aise

ki kabhi tum ko hum se kaam nahin

mauj dariya-e-paemali hai

us jafakar ka KHiram nahin

bosa le kar maza mila mujh ko

hanzal us ka zaqan hai aam nahin

kis ke bal par wo shoKH hai maghrur

KHat-e-shab-rang fauj-e-sham nahin

'bahr' bahke hue hain ahl-e-dil

nashsha-e-ab-e-zar mudam nahin