گردش ساغر سبو کے درمیاں
زندگی ہے ہاؤ ہو کے درمیاں
زخم اور پوشاک بھی رکھے گئے
آئنہ اور آب جو کے درمیاں
تیسرا رستہ کدھر کو جائے ہے
آرزو اور جستجو کے درمیاں
کتنی بے معنی سی ہے یہ زندگی
خاموشی اور گفتگو کے درمیاں
زندگی ترجیح کس کو دیتی ہے
سبز رو اور خوش گلو کے درمیاں
یاد کی اک اجنبی پرچھائیں ہے
رنگ و بو و کاخ و کو کے درمیاں
وقت سے بچ کر نکل جاؤں کہیں
ایک در ہے چار سو کے درمیاں
میرا چہرہ دوسروں سے مختلف
فرق ہے کیا یہ لہو کے درمیاں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
