garm hai hawa hua hai aag aab in dinon

garm hai havā huā hai aag aab in dinoñ

be-hisāb ġhaiz meñ hai āftāb in dinoñ

jal ke tez raushnī meñ jism ḳhaak ho gayā

dard se karāhtā rahā gulāb in dinoñ

zulm be-dhaḌak binā Dare kiyā jo aadmī

hai usī kā de rahā ḳhudā 'azāb in dinoñ

hāl-chāl desh kā bidesh kā na pūchhiye

qaum ke hisāb se hai intiḳhāb in dinoñ

rājnītī meñ sabhī siyār sher ho ga.e

ho ga.e haqīr bhī sabhī janāb in dinoñ

netā bāñTtā hai ḳhuub zāt-pāt kā nasha

pī ke laḌ rahā hai aadmī sharāb in dinoñ

jī-huzūrī na kiyā to log ham se ye kahe

'chakrapānī' ho gayā hai tū ḳharāb in dinoñ

garm hai hawa hua hai aag aab in dinon

be-hisab ghaiz mein hai aaftab in dinon

jal ke tez raushni mein jism KHak ho gaya

dard se karahta raha gulab in dinon

zulm be-dhaDak bina Dare kiya jo aadmi

hai usi ka de raha KHuda 'azab in dinon

haal-chaal desh ka bidesh ka na puchhiye

qaum ke hisab se hai intiKHab in dinon

rajniti mein sabhi siyar sher ho gae

ho gae haqir bhi sabhi janab in dinon

neta banTta hai KHub zat-pat ka nasha

pi ke laD raha hai aadmi sharab in dinon

ji-huzuri na kiya to log hum se ye kahe

'chakrapani' ho gaya hai tu KHarab in dinon